“Vaqti keldi. Shu sababli, bugun mamlakatimning Yaqin Sharq, isroilliklar va falastinliklar o‘rtasidagi tinchlikka bo‘lgan tarixiy sadoqati asosida, Fransiya Falastin davlatini tan olishini e’lon qilaman”, — dedi Fransiya rahbari.

Fransiya yetakchisi G‘azo sektoridagi urushni to‘xtatish va XAMAS tomonidan garovda ushlab turilgan barcha asirlarni ozod qilish vaqti kelganini ham bildirgan.

Makron 7-oktyabr kuni Isroilga uyushtirilgan hujumni qoralab, mintaqada ikki xalq uchun ikki davlat bo‘lishiga asoslangan tinchlikni ko‘rishni istayotganini ta’kidlab o‘tgan.

Uning so‘zlariga ko‘ra, Fransiya XAMAS tomonidan ushlab turilgan barcha asirlar ozod qilinib, o‘t ochishni to‘xtatish to‘g‘risida kelishuvga erishilgachgina Falastinda o‘z elchixonasini ochadi.

• BMT
• Falastin
• Fransiya
• Makron