“Toshkent-Aero” IBKning Kontrabandaga qarshi kurashish shu’basi xodimlari tomonidan yo‘lovchilarga berilgan imtiyozlardan foydalangan holda tovar-moddiy boyliklarini bojxona chegarasidan o‘tkazib, so‘ng ularni aeroport hududida keyinchalik noqonuniy tarzda yig‘ib olinishini oldini olish yuzasidan oldindan olingan tezkor ma’lumotga asosan o‘tkazilgan tezkor tadbir davomida O‘zbekiston Respublikasi fuqarosi “Toshkent Xalqaro Aeroportining fuqarolarni kutib olish hududida “Dubay-Toshkent” yo‘nalishi bo‘yicha uchib kelgan yo‘lovchilar tomonidan olib kelingan dastlabki taxminiy qiymati 250 000 000 so‘mlik jami taxminan 27,0 gramm og‘irlikdagi zargarlik buyumlari, 6 dona “iPhone 16 Pro Max” rusumli uyali aloqa vositalari, 4 dona changyutgich tovarlari hamda 347 dona flesh xotira buyumlarini yig‘ib olib aeroport hududini tark etayotgan vaqtida to‘xtatib qolingan.

Mazkur holat bo‘yicha bojxona surishtiruv jarayonlari olib borilmoqda.

• Aeroport
• Bojxona
• Toshkent