“AQShning Filadelfiya shahrida o‘zbek diasporasi vakillari bo‘lgan ishbilarmon ayollar uchrashuvi bo‘lib o‘tdi”, – deb xabar bermoqda “Dunyo” agentligi.

Tadbir, “Vatan” jamiyati hamda O‘zbekistonning Nyu-Yorkdagi Bosh konsulxonasi hamkorligida tashkil etilgan.

Anjuman samimiy va konstruktiv ruhda o‘tib, tadbirkorlik, jamoat ishlari va ijtimoiy sohalarda faoliyat yuritayotgan diaspora vakillarini birlashtirgan. Ishtirokchilar ayollar tadbirkorligini rivojlantirish, xotin-qizlar bandligini ta’minlash hamda diaspora hamjamiyatida o‘zaro hamkorlikni mustahkamlash masalalarini muhokama qilishgan.

Uchrashuv yakunlari bo‘yicha o‘zaro hamkorlikni yanada kengaytirish, jumladan, “Vatan” jamiyati ko‘magida Ayollar kengashini tashkil etish, xotin-qizlar ishtirokida qo‘shma loyihalarni yo‘lga qo‘yish hamda ularning ijtimoiy-siyosiy faolligini oshirish bo‘yicha kelishuvga erishilgan. Bundan tashqari, mintaqada istiqomat qilayotgan vatandosh ayollarga huquqiy yordam ko‘rsatish uchun ixtisoslashtirilgan maslahat markazini tashkil etish tashabbusi qo‘llab-quvvatlangan.

• AQSh
• Ayollar