“Manchester Yunayted” hujumchisi Krishtianu Ronaldu faoliyatini Germaniya Bundesligasida davom ettirishi mumkin. Myunxenning “Bavariya” klubi Manchesterni tark etmoqchi bo‘lgan 37 yoshli futbolchi atrofidagi vaziyatni diqqat bilan kuzatib bormoqda.

Qayd etilishicha, Germaniya klubi portugaliyalik hujumchini qo‘lga kiritish uchun kurashda PSJga qaraganda ustunroq, chunki Ronaldu Fransiya chempionatini faoliyatida ortga tashlangan qadam, deb hisoblaydi.

“Bavariya” allaqachon Ronalduning agenti Jorje Mendesh orqali bog‘lanib, hamkorlik qilish istagini bildirgan. 

Transfer amalga oshgan taqdirda, Myunxen klubi “Qizil iblislar”ga Krishtianuning tovon pulini to‘lashi kerak, bu esa taxminan 18 million yevroni tashkil qilishi mumkin.

• APL
• Bundesliga
• Liga 1
• Ronaldu