“AQSh prezidenti Jo Bayden Ukrainaga yordam berish va Amerika armiyasining qurol-yarog‘ zaxirasini to‘ldirish uchun qo‘shimcha 24 milliard dollar ajratish to‘g‘risida Kongressga yashirin so‘rov yubordi”, – deya xabar bermoqda Politico.

Bayden ma’muriyati AQSh qurol zaxiralarini to‘ldirish uchun 16 milliard va yana 8 milliard dollarni esa Ukrainaga Security Assistance Initiative dasturi orqali ma’qullamoqchi. Politico ta’kidlashicha, hujjat keyingi oyda qabul qilinishi mumkin bo‘lgan hukumat mablag‘larining yangi qismiga qo‘shimcha sifatida tuzilgan.

AQSh davlat kotibi Entoni Blinken Bayden ma’muriyati Kiyevga harbiy yordamni kuchaytirishda davom etishini aytgan. Uning so‘zlariga ko‘ra, Oq uy Ukrainaga Kongress tomonidan tasdiqlangan mablag‘larning “har bir dollarini” 20-yanvarga qadar (Tramp o‘z lavozimida ish boshlashiga qadar) yetkazib berishni rejalashtirmoqda.

• AQSh
• Bayden
• Ukraina