“Taqiq, xususan, Eron, Sudan, Liviya, Somali, Afg‘oniston, Turkmaniston, Kuba va Venesuela fuqarolariga taalluqlidir”, – deya xabar bermoqda NBC News telekanali.

AQSh prezidenti Donald Tramp joriy yilning iyun oyidayoq ushbu mamlakatlar fuqarolariga Qo‘shma Shtatlarga kirishga to‘liq yoki qisman cheklovlar joriy etgan edi.

The New York Times gazetasining yozishicha, yangi cheklovlar birinchi navbatda Qo‘shma Shtatlarning Green card va fuqarolik dasturlari uchun berilgan arizalarga taalluqli. 2-dekabr kuni ayrim immigrantlar ularning Green card suhbatlari uchun tayinlangan uchrashuvlari tushuntirishsiz bekor qilingani haqida xabar bergan edi.

Cheklovlarning kuchaytirilishi noyabr oyi oxirida Vashingtonda Oq uy yaqinida sodir bo‘lgan otishmadan so‘ng amalga oshirildi. Hodisa oqibatida Milliy gvardiyaning harbiy xizmatchisi halok bo‘ldi, yana bir nafari og‘ir yaralandi. Politsiyaning ma’lum qilishicha, gumonlanuvchi Afg‘oniston fuqarosi bo‘lgan.

• AQSh
• Migratsiya
• Viza