“BepiColombo” kosmik apparati Merkuriy yuzasini suratga oldi va uni yerlik astronomlarga taqdim etdi. Bu haqida Yevropa kosmik agentligi maʼlum qilgan.

“BepiColombo” 23-iyun kuni sayyoradan 200 kilometr uzoqlikda uchib oʻtgan va suratlarni Yerga yetkazgan. Apparat sayyoraning yorugʻlik tushadigan tomonidan 920 kilometr masofadan uchib oʻtgani aytilmoqda.

Astronomlar tomonidan qoʻlga kiritilgan suratlarda Merkuriyning geologik oʻziga xosliklari, jumladan eni 200 kilometrdan kattaroq halqalarni koʻrish mumkin. Kosmik apparat oʻz suratlarida “Challenger Rupes” deb nomlanuvchi ulkan oʻyiqni ham qayd etgan.

Olimlar Merkuriydagi oʻyiqlarga ilmiy ekspeditsiyalar va kemalarning nomini berishni anʼana tusiga kiritganlar. “Challenger” kemasi 1872-1876 yillarda Tinch va Atlantika okeanlarida ilmiy tadqiqotlar oʻtkazgan. Ushbu kema ekspeditsiyalari zamonaviy okeanografiya asosini tashkil qiladi.

Olimlar sayyora yuzasidagi oʻyiqlar Merkuriyning tektonik faolligi tarixini qayta tiklash uchun yordam berishiga umid bogʻlamoqdalar. “BepiColombo” missiyasining asosiy maqsadi ham mana shu hudud hisoblanadi.

• Iqtisodiy tadqiqotlar va islohotlar markazi
• Koinot
• O‘zbekkosmos
• ilm-fan
• qiziqarli