O‘zbekiston Professional futbol ligasi tomonidan mavsumning eng yaxshilari taqdirlandi.

Ko‘p yillardan buyon “Nasaf”ni boshqarib kelayotgan va bu mavsum jamoaning chempionligi uchun katta hissa qo‘shgan Ro‘ziqul Berdiyev mavsumning eng yaxshi murabbiyi deb topildi.

“Ajdarlar”ning 24 yoshli yarimhimoyachisi Akmal Mozgovoy esa eng yaxshi futbolchi deya e’tirof etildi. Yarimhimoyachi yakuniga yetgan mavsum davomida 23 o‘yinda ishtirok etib, 4 gol va 1 golli uzatmani o‘z hisobiga yozdirib qo‘ygan.

PFL e’lon qilgan barcha nominatsiyalar g‘oliblari:

Eng yaxshi futbolchi — Akmal Mozgovoy (“Nasaf”)

Eng yaxshi murabbiy — Ro‘ziqul Berdiyev (“Nasaf”)

Eng yaxshi yosh o‘yinchi — Abdug‘ofur Haydarov (“Surxon”)

Eng yaxshi legioner — Vladimir Yovovich (“So‘g‘diyona”)

Mavsum kashfiyoti — Anvarjon Hojimirzayev (“Dinamo”)

Mavsum to‘purari — Dragan Cheran (“Paxtakor”)

Eng chiroyli gol muallifi — Marko Milichkovich (“Metallurg”)

Eng yaxshi hakam — Shavkat Nasibullayev

Fair Play sovrini — OKMK klubi.

• Taqdirlash
• UzPFL