The Sun nashrining xabar berishicha, amerikalik Mel Plakanika ismli 31 yoshdagi ayol qon ketishi va qorindagi kuchli og‘riq sababli shifokorga murojaat qilgan. Turli tekshiruvlar o‘tkazilgan va bu ayolda o‘z organlaridan tashqari yana qo‘shimcha beshta organ borligi aniqlangan.

Ayolning so‘zlariga ko‘ra, oshqozoni atrofida chidab bo‘lmaydigan darajada kuchli og‘riq kuzatilavergan va surunkali ravishda ichidan qon ketib yurgan. Oldin skanerdan o‘tganida, bachadonining yaqinida o‘simta borligi aniqlangan. Ammo bu tashxis noto‘g‘ri bo‘lib chiqqan.

Holat bo‘yicha kuchli tekshiruvlar boshlangandan so‘ng shifokorlar misli ko‘rilmagan voqeaga duch kelishdi.

Skanerlash Plakanikaning jami beshta qo‘shimcha organi – ikkita bachadoni, to‘rtta tuxumdoni, ikkita bachadon bo‘yni va uchta buyragi borligini ko‘rsatgan. Ko‘p o‘tmay ayolning bitta bachadoni va ikkita tuxumdoni olib tashlangan hamda ikkita bachadon bo‘yni ham bittaga birlashtirilgan.

Shifokorlar, shuningdek, kuchli qorin og‘rig‘iga sabab bo‘lgan endometriozni ham aniqlagan.

• AQSh
• Lifestyle
• qiziqarli
• salomatlik
• tekshiruv