Vazirlar Mahkamasining qaroriga muvofiq 3-iyuldan boshlab 2023-yil bug‘doy hosilidan vaqtinchalik saqlashga topshirilgan 3-sinf bug‘doy Respublika tovar-xomashyo birjasining birja savdolari orqali sotila boshlandi.

Qayd etilishicha, 3-13-iyul kunlarida ochiq birja savdolari orqali 31,1 ming tonna bug‘doy qariyb 900 ta mahalliy g‘alla yetishtiruvchi fermerlar va g‘allachilik klasterlari tomonidan sotildi. O‘tgan davrda birjada shakllangan bug‘doyning o‘rtacha narxi mahsulotning bir tonnasi uchun 2 663 ming so‘mni tashkil qildi. Birjada bug‘doy bo‘yicha shakllangan kotirovka uning boshlang‘ich narxiga nisbatan 1,2 foizga o‘sdi.

Shuningdek, 6-13-iyul kunlarida o‘tkazilgan birja savdolari natijalariga ko‘ra 3-sinf bug‘doyning o‘rtacha kunlik narxi mahsulotning bir tonnasi uchun 2 921 ming so‘mdan 2 610 ming so‘mgacha pasaydi.