Qashqadaryo viloyatida yer munosabatlari sohasidagi qonunbuzilishlarga qarshi kurashish doirasida tezkor tadbirlar o‘tkazilib, bir nechta noqonuniy holatlarga chek qo‘yildi.

Aniqlanishicha, Qarshi tumanida kadastr bo‘limi yetakchi inspektori mansabdor tanishlari orqali fuqaro tomonidan noqonuniy egallab olingan 12 sotix yer maydoni uchun belgilangan 82 mln so‘mlik jarimani bekor qilib berish hamda kadastr hujjatlarini rasmiylashtirish evaziga 2 ming AQSH dollari olgan vaqtida qo‘lga olingan.

Shunga o‘xshash holat Shahrisabz tumanida ham aniqlanib, unda muqaddam sudlangan shaxs va kadastr xodimi o‘zaro til biriktirib, dehqon xo‘jaligiga tegishli 9 sotix yer maydonini boshqa shaxs nomiga rasmiylashtirib berish evaziga 7 ming AQSH dollari talab qilgan. Ular oldindan 4 ming dollar olgan vaqtida ushlandi.

Hozirda har ikki holat yuzasidan jinoyat ishlari qo‘zg‘atilib, tergov harakatlari olib borilmoqda.

Fuqarolardan shunday qonunbuzilish holatlariga duch kelsa, tegishli organlarga murojaat qilish so‘raladi.

• DXX
• Qashqadaryo