O‘zbekistonda 9-may — Xotira va qadrlash kuni munosabati bilan Ikkinchi jahon urushi qatnashchilari hamda nogironlarini ijtimoiy qo‘llab-quvvatlashga qaratilgan qaror qabul qilindi.

Unga ko‘ra, har bir urush qatnashchisi va nogironiga 30 million so‘m miqdorida bir martalik pul mukofoti ajratiladi.
Shuningdek, davlat rahbariga harbiy xizmatchilarni ijtimoiy qo‘llab-quvvatlash, rezerv va zaxiradagi ofitserlarni tayyorlash tizimini takomillashtirish hamda bayram tadbirlariga tayyorgarlik holati bo‘yicha axborot taqdim etildi.

Bundan tashqari, mustaqillik yillarida xizmat burchini bajarish chog‘ida halok bo‘lgan harbiy xizmatchilar xotirasi ham ulug‘lanadi. Ularning oila a’zolarini qo‘llab-quvvatlash bo‘yicha ishlar izchil davom ettiriladi.