Bugun Tailandning Chiangmay shahrida boks bo‘yicha kattalar o‘rtasidagi Osiyo chempionatida erkaklar ishtirokidagi final bahslari bo‘lib o‘tdi. Kun davomida 10 nafar O‘zbekiston vakillari ringga ko‘tarildi. Ulardan 8 nafari qit’a chempionligini qo‘lga kiritgan bo‘lsa, yana ikki nafari Shahzod Muzaffarov va Jasurbek Yo‘ldoshevlar teng kurashlar ostida kechgan bahslarda qozog‘istonlik bokschilarga kichik hisobda imkoniyatni boy berib, chempionatning kumush medaliga egalik qildilar.

O‘zbekiston erkaklar terma jamoasi musobaqa yakuniga ko‘ra umumjamoa hisobida 8 ta oltin, 2 ta kumush va 1 ta bronza medallari bilan qit’ada tengsiz bo‘ldi.

Quyida Osiyo chempionati sovrindorlari bilan tanishing:

Oltin medal:

-48 kg: Shodiyorjon Meliqo‘ziyev;

-51 kg: Asilbek Jalilov;

-57 kg: Mirazizbek Mirzahalilov;

-63,5 kg: Adhamjon Muhiddinov;

-67 kg: Mujibillo Tursunov;

-71 kg: Havasbek Asadullayev;

-75 kg: Javohir Ummataliyev;

-80 kg: To‘rabek Habibullayev.

Kumush medal:

-54 kg: Shahzod Muzafarov;

-86 kg: Jasurbek Yo‘ldoshev.

Bronza medal:

+92 kg: Jahongir Zokirov.

• Boks
• Osiyo Chempionati
• Tailand
• erkaklar