Bolalarni tarbiya qilish oson emas. Ogʻir ish kunidan keyin holdan toygan ota-onalar kechki payt uyga kelgan vaqtlarida bolalarning shoʻxliklariga toqat qila olishmaydi. Dam olish kunlarida ham hordiq chiqarish uchun boʻsh vaqt topilmaydi. Ming afsuski, ayrim ota-onalar stress holatida bolalarga qoʻl koʻtarishadi. Buni tarbiyaviy choralardan biri sifatida qabul qiladiganlar ham yoʻq emas.
Ota-onalar aksariyat holatlarda yigʻlayotgan yoki injiqlik qilayotgan bolani tinchlantirishni uddalay olmasdan, uni kaltaklashga oʻtishadi. Ayrimlarda buni oqlashga bahona ham topiladi: “Ota-onam meni shunday katta qilishgan, hech narsa qilmaydi, aqli kiradi!”.
Ruhshunoslar bolaning ruhiy salomatligi uchun eng muhim narsa – himoyalanganlik va xavfsizlik hissi ekanligini aytishadi. Ushbu his bolakay ota-onasining yonida boʻlgan paytda yuzaga keladi. Bolani tartibga chaqirib qoʻyish uchun unga bir bor qoʻl koʻtarishning oʻzi ham ota-ona va bola oʻrtasidagi ana shu hisni yoʻq qilishi mumkin.
Ruhshunoslar bolalar odatda oʻzlariga eʼtibor qaratish maqsadida yigʻlashlari va injiqlik qilishlarini aytishadi. Ularning bu holatga tushmasliklari uchun esa bola bilan koʻproq vaqtni birga oʻtkazish, unga yetarlicha eʼtibor berish tavsiya etiladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!