Fransiya terma jamoasi hamda “Real” Madrid hujumchisi Karim Benzema va Didye Desham o‘rtasidagi eski ziddiyatlar yana ko‘rinish bera boshlamoqda. Asosan, Didye Desham Benzemaga qarshilik ko‘rsatmoqda.

Bir necha kun avval “Real” klubi La Liga o‘yinlari oldidan jamoa mashg‘ulotlari boshlangani haqida fotopostlar qoldirgan. Ushbu mashg‘ulotlarda Karim Benzema ham qatnashgani aks etgan. Shuningdek, u 15-dekabr kuni o‘rtoqlik o‘yini sifatida tashkil etilgan “Leganes” ga qarshi o‘yinda o‘ynagan.

Shuningdek, dastlab Karim Benzemaning jarohatdan forig‘ bo‘lgani va tarkibdan chiqarilmagan bo‘lgani uchun, JCH finaliga qaytish imkoniyati borligi haqida xabarlar tarqaldi. Tez orada hujumchining final o‘yiniga kelmasligi aniq bo‘ldi. Bunga sabab esa Benzemaning Fransiya terma jamoasi bosh murabbiyi Didye Desham bilan bo‘lgan eski ziddiyatlarmi?

Ma’lumot uchun, 2016-yilda Matyas Balbuena bilan bog‘liq mojarodan so‘ng terma jamoadan quvilgan Benzema haqida Desham murabbiylikda ishlar ekan uni endi hech qachon qachon tarkibga qo‘shmasligini ma’lum qilgan va bu ishini qattiq qoralagan edi. O‘tgan yildan boshlab Karimning tarkibga qo‘shilishi uning yuqori o‘yinlari va Fransiya prezidenti Emmanuel Makronning talabi evaziga amalga oshirilgan.

Qatarga qaytamiz. Karim Benzema JCh boshlanish arafasida jarohat orttirib olgan edi. Shunga qaramay “Oltin to‘p” sohibi terma jamoa bilan Qatarda qolishni afzal ko‘rgan. Futbolchining so‘zlariga qaraganda, Desham uning oldiga kelib, “Kechirasan, Karim, sen ketishing kerak” degan. Shundan so‘ng Karim o‘zini terma jamoaga keraksizde his qilgan. Karimning “Real” dagi jamoadoshi Edu Kamavinga hujumchining tongda hech kim bilan xayrlashmasdan ketganini ma’lum qilgan edi.

Shu bilan birga, Didye Desham Karim Benzemaga “Oltin to‘p” topshirilish marosimidagi nutqida unga tashakkur bildirmaganidan xafa bo‘lgan.

Karim Benzema Instagram’dagi sahifasida “Menga qiziqtirmaydi” izoh bilan mazkur fotoni joylagan. Bu albatta, JCh finaliga qilingan ishora ekanligini taxmin qilish mumkin.

Yana, u do‘stining hikoyasini qayta joyladi. Unda “Biz allaqachon g‘olib bo‘lganmiz” deb izoh yozilgan.

Shundan keyin, u “Xayrli tun” deb yozilgan izohli hikoya yaratgan. Ertasida esa uning Qatarga hatto o‘yin tomoshasi uchun bormasligi haqida ham xabarlar chiqdi.

Fransiyaning L’Equipe nashri Benzema Fransiya bazasini tark etgandan so‘ng, terma jamoa kiyim almashtirish xonasi ancha yaxshilangan deb xabar tarqatgan. Ya’ni, Benzema bor paytda barcha o‘zini noqulay his qilgan. Shuningdek, ESPN nashri Urugvay terma jamoasi sobiq sardori Diego Lugano quyidagi so‘zlarni aytgan: “Men Fransiya terma jamoasining ba’zi futbolchilari bilan o‘ynadim. Ishonchim komilki, termada Benzemaning JChda o‘ynamasligidan xursand bo‘lganlar bor”. Fransiya terma jamoasi a’zosi Orelyen Chuameni bu gaplarni yolg‘on ekanligini aytdi. “U terma jamoada bo‘lganda hammasi joyida” deydi yarim himoyachi.

To‘liq va aniq ma’lumotlar albatta oshkor qilinmaydi, ammo murabbiy va futbolching o‘rtasidagi eki ziddiyatlar halichaga saqlanib qolgandek tuyulmoqda.

• Benzema
• Fransiya
• Jahon chempionati
• Qatar