Joriy yil 29-iyun kuni BMT Bosh kotibi Antoniu Guterrish Markaziy Osiyo mamlakatlariga tashrif buyurishni boshlaydi. Bu haqda Nyu-Yorkdagi brifingda uning matbuot kotibi Stefan Dyujarrik xabar berdi.
Guterrishning O‘zbekiston, Qirg‘iziston, Qozog‘iston, Tojikiston va Turkmanistonga tashrifi belgilangan. Oxirgi marta u 2017-yilda ushbu mintaqaga tashrif buyurgan.
Xabar berilishicha, BMT Bosh kotibi har bir mamlakatda davlat rahbari va hukumatning boshqa yuqori martabali vakillari bilan uchrashadi. Shuningdek, iqlim o‘zgarishiga qarshi kurash bilan bog‘liq loyihalar bilan tanishadi va mahalliy faollar bilan muloqot qiladi. Markaziy Osiyo davlatlariga tashrifning birinchi manzili esa O‘zbekiston hisoblanadi.
Qayd etilishicha, Bosh kotib 4-iyul kuni Ostona shahridagi Shanxay Hamkorlik Tashkiloti sammitida ishtirok etadi. Guterrish xalqaro hamjamiyatni geosiyosiy kelishmovchiliklar va umumiy tahdidlar, shuningdek, iqlim o‘zgarishi haqida ogohlantirmoqchi.
Antonio Guterrish 7-iyul kuni Nyu-Yorkka qaytadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!