G‘azo sektorida genotsidda ayblangan Isroil armiyasining hujumlari natijasida yana bir jurnalist halok bo‘ldi. Bu haqda G‘azodagi Falastin hukumati matbuot xizmati xabar berdi, deydi “Anadulu” axborot agentligi.

Qayd etilishicha, 2023-yil 7-oktyabrdan beri Isroilning eksklavga uyushtirgan hujumlarida halok bo‘lgan jurnalistlar soni 153 nafarga yetgan.

G‘azo ma’murlari avvalroq Isroil “Falastin ovozini o‘chirish, faktlarni yashirish hamda yangiliklar va ma’lumotlarning mintaqaviy va xalqaro jamoatchilikka yetib borishiga yo‘l qo‘ymaslik uchun” G‘azodagi ommaviy axborot vositalari xodimlarini ataylab nishonga olayotgani haqida xabar bergan edi. Yaqinda vafot etgan jurnalist esa “Shams” axborot agentligi xodimi Muhammad Mahmud Abu Sharia bo‘lgan.

• Falastin
• Isroil
• jurnalist