AQShda o‘tkazilgan so‘rovnomada saylovchilarning 72 foizi Jo Baydenni aqliy jihatdan prezidentlikka nomunosib deb topgan. Bu haqda Anadolu xabar berdi.
30-iyun kuni o‘tkazilgan so‘rov natijalariga ko‘ra, ro‘yxatdan o‘tgan saylovchilarning 72 foizi AQSh Prezidenti Jo Bayden davlat rahbari sifatida xizmat qilish uchun zarur bo‘lgan aqliy va kognitiv salomatlikka ega emas deb hisoblaydi.
Shuningdek, demokratlarning 45 foizi Bayden sog‘ligi sababli prezidentlik uchun kurashdan voz kechishi kerakligini aytgan.
Sobiq Prezident Donald Trampning prezidentlik uchun aqliy va kognitiv tayyorgarligi haqida so‘ralganda, 50 foiz ha va 49 foiz yo‘q deb javob berilgan.
Texas Respublikachilar vakili Chip Roy “Bayden prezidentlik vakolatlari va vazifalarini, shu jumladan bosh qo‘mondonning vakolatlari va vazifalarini bajara olmasligini bir necha bor va ommaviy ravishda namoyish etgan”, – deya fikr bildirgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!