Serbiyaning Belgrad shahrida 25-oktabrdan 6-noyabrga qadar davom etgan boks boʻyicha erkaklar oʻrtasidagi Jahon chempionatida hamyurtlarimiz bittadan kumush va bronza medaliga sazovor boʻlishdi.
Terma jamoamiz aʼzolari bugun yurtimizga tunda qaytib kelishdi. Ular Islom Karimov nomidagi Toshkent xalqaro aeroportida kutib olindi.
Bokschilarimizni kutib olish marosimida Oʻzbekiston boks federatsiyasi, Ichki ishlar vazirligi, Mudofaa vazirligi mutasaddilari, sportchilarimizning yaqinlari va muxlislar ishtirok etishdi.
Musobaqa yakunida Oʻzbekiston boks federatsiyasi raisining birinchi oʻrinbosari Saken Polatov AIBA vakilidan Jahon chempionati mezboni uchun beriladigan bayroqni tantanali surʼatda qabul qilib oldi.
Eslatib oʻtamiz, 2023-yilgi Jahon chempionati poytaxtimiz Toshkentda oʻtkaziladi.
Ma’lumot uchun, jahon chempionatida Abdumalik Xalakov kumush, Madiyar Saidrahimov esa bronza medalini qoʻlga kiritgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!