Rossiya O‘zbekistonga suv resurslari balansini hisoblashda yordam beradi. Bu haqda TASS nashri xabar berdi.

Rossiya suv resurslari Federal agentligi rahbari Dmitriy Kirilov O‘zbekistonga toza suv hajmini aniqlashga yordam beradigan mutaxassislar guruhini yuboradi.

“Qisqa muddatda muzliklarning faol erishi tufayli mintaqadagi suv hajmi oshishi mumkin, ammo 30-50 yildan keyin inqiroz bo‘lishi mumkin”, - dedi Kirillov.

Yevrosiyo taraqqiyot banki ma’lumotlariga ko‘ra, 2024-yil o‘rtalarida 10 millionga yaqin Markaziy Osiyo aholisi suvdan foydalana olmagan. 1994-yildan 2020-yilgacha suv iste’mol qilish hajmi ikki baravar oshdi. Shu bilan birga, suv ta’minoti tizimlariga investitsiyalar yetarli emas. Masalan, O‘zbekistonda yillik moliyalashtirish taqchilligi taxminan 826 million dollarni tashkil etadi. Mamlakat suv resurslarining 80 foizdan ortig‘i qishloq xo‘jaligi, ayniqsa paxta dalalari uchun ishlatiladi.

• O‘zbekiston
• Rossiya