Bugun, 18 avgust kuni O‘zbekistonda kuchli magnit bo‘roni kuzatiladi. SSV tomonidan bunday paytda sog‘liqni asrash bo‘yicha tavsiyalar berildi.

Qayd etilishicha, tush payti magnit bo‘ronining G4 darajaga ega 6 ballik o‘ta faol bosqichi kuzatiladi. Kun davomida juda ko‘pchilikda bosh orqa qismida karaxtlik va ko‘ngil aynish holati qayd etilishi mumkin.

Sog‘liqni saqlash vazirligi ushbu hodisasining zararli oqibatlaridan saqlanish bo‘yicha tavsiyalar berdi. Unga ko‘ra:

– jismoniy faollik, jumladan zo‘riqtiruvchi ishlar va mashg‘ulotlarni cheklanish;
– ovqatlanish rasioniga e’tibor qaratish va ko‘proq suyuqlik ichish;
– sho‘r taomlar iste’molini cheklash (tuz organizmda suv miqdorini kamaytirib, qon bosimi oshishiga sabab bo‘ladi);
– spirtli ichimliklar iste’mol qilmaslik;
– yurak xuruji va insultni boshdan kechirganlar mashina haydamaslik;
– sayohat qilishni kechiktirib turish lozim.

• O‘zbekiston
• SSV
• salomatlik