Oʻzgidromet 11-mart, shanba kuni kuzatiladigan ob-havo maʼlumotini maʼlum qildi.

Unga koʻra, bugun kunduz kuni Oʻzbekiston boʻyicha havo oʻzgarib turadi, Buxoro, Navoiy, Qashqadaryo viloyatlarida va kechga tomon Toshkent, Samarqand, Jizzax, Sirdaryo viloyatlarida baʼzi joylarda yomgʻir yogʻadi, momaqaldiroq boʻlishi mumkin.

Qolgan hududlarda yogʻingarchilik kutilmaydi. Shamol 7-12 m/s tezlikda esadi, baʼzi joylarda 15-20 m/s gacha kuchayishi, ayrim joylarda chang-toʻzon bilan kuzatilishi mumkin. Harorat 21-26° issiq boʻladi.

Poytaxtda kechga tomon yomgʻir yogʻadi. Shamol 5-10 m/s tezlikda esadi. Harorat 24-26° issiq boʻladi.

Togʻoldi va togʻli hududlarda vaqti-vaqti bilan yomgʻir yogʻadi, momaqaldiroq boʻlishi mumkin. Baʼzi joylarda sel-suv toshqini hodisalari yuzaga kelishi mumkin. Shamol 7-12 m/s tezlikda esadi. Harorat 10-15° iliq boʻladi.

• Ob-havo
• O‘zgidromet