Bugun, 26-oktyabr kuni Ispaniya chempionatining 11-turi doirasida markaziy o‘yin bo‘lib o‘tadi. Unda “Real” o‘z maydonida “Barselona”ni qabul qiladi.

Ayni vaqtda har ikki jamoa ham yaxshi formada. “Barsa” 4 ta o‘yindan buyon g‘alaba qozonib kelayotgan bo‘lsa, Anchelotti jamoasi La Liga doirasida 2024-yil mag‘lubiyat nimaligini bilmay kelmoqda.

Ayniqsa, Yevropa chempionlar ligasi doirasida “Borussiya” va “Bavariya” ustidan ishonchli g‘alabalarni qo‘lga kiritishgani jamoa muxlislarini xursand etdi.

Ma’lumotlarga ko‘ra, “El Clasico”ni stadionning o‘zidan ko‘rish uchun yarim million odam so‘rov yuborgan.

Mazkur uchrashuvni Toshkent vaqti bilan 00:00 da Zo‘r TV telekanali orqali tomosha qilishingiz mumkin.

Eslatib o‘tamiz, 10-turdan keyin “Barselona” La liga jadvalida 27 ochko bilan peshqadam bo‘lib turgan bo‘lsa, “Real Madrid” 24 ochko bilan 2-pog‘onani egallab turibdi.

• Barselona
• Real