O‘zbekistonga rasmiy tashrif bilan kelgan Andrey Babiš jurnalistlarga bergan intervyusida mamlakat va Prezident Shavkat Mirziyoyev haqida iliq fikr bildirdi.

Uning ta’kidlashicha, O‘zbekistonda Shavkat Mirziyoyev bilan o‘tgan uchrashuv va muloqotlar katta taassurot qoldirgan.

“Sizning prezidentingiz buyuk yetakchi, u kishi bilan shuncha ko‘p vaqt o‘tkazganimdan juda mamnunman”, — dedi Andrey Babish

U O‘zbekistonda Chexiya delegatsiyasi juda yaxshi kutib olinganini, mamlakatning rivojlanish darajasi, boyligi, odamlari va ayniqsa yoshlarning bilimli ekanligi uni hayratda qoldirganini aytdi.

Shuningdek, u Islom sivilizatsiyasi markaziga tashrifi haqidagi taassurotlari bilan ham o‘rtoqlashib, uni “fantastik” deya ta’rifladi.

Bosh vazir O‘zbekistonning iqtisodiy salohiyati va imkoniyatlarini yuqori baholab, ilgari bu yerga kelmaganidan afsusda ekanini bildirdi. U Skoda kompaniyasi tomonidan O‘zbekistonga 10 ta poyezd yetkazib berilishi bo‘yicha imzolangan shartnomani ham alohida olqishladi.