Insonlarning muvaffaqiyatga qadar bosib o'tgan yo'li har xil bo'ladi. Ba'zi odamlarga buning uchun yillar kerak, boshqalari esa faoliyatining boshidanoq mashhurlik cho'qqisini zabt etadi. Ayrim aktyorlar kino yoki serialdagi ilk roli bilan tomoshabinlarning e’tiborini tortadi va bu ularning samarali faoliyatiga yaxshi turtki beradi.
Quyidagi 7 ta mashhur yulduz ham shunday natijaga erishgan ijodkorlardan hisoblanadi.

1. Chon Xo Yon

Chon Xo Yon mashhur koreys seriali “Kalmar o'yini”da bosh rollardan birini ijro etdi. Bu film platformalardagi barcha reytinglarda yetakchi o’rinlarniband etdi. Serial aktrisaning kino olamidagi debyuti edi. Ushbu serialdan so'ng aktrisa CAA agentligi bilan shartnoma tuzdi.

2. Emma Uotson

Emma Uotsonning Garri Potter filmidagi Germiona roli aktrisa uchun debyut bo'lishiga qaramasdan unga olamshumul mashhurlik keltirdi. Bungacha yosh ijodkor faqat maktab spektakllarida kichik rollar ijro etgan. Garri Potter filmining birinchi qismi 2001-yilda juda katta daromad keltirdi. Uotson "Yosh rassom" mukofotini oldi va Garri Potter franshizasining qolgan qismlarida, shuningdek, boshqa ko'plab filmlarda rollar ijro etdi.

3. Sofi Terner

Sofi Terner “Taxtlar o‘yini” filmidagi Sansa Stark roli uchun kastingdan o‘tganida hali maktab o’quvchisi edi. Bu uning kinodagi birinchi ishi bo'lib, ushbu film unga xalqaro miqyosda e'tirof keltirdi. Shundan beri Terner boshqa ko'plab mashhur filmlarda ham suratga tushdi.

4. Xeyli Shtaynfeld

Xeyli Shtaynfeld 13 yoshida “Temir qirrasi” filmidagi Metti Ross rolini ijro etib, badiiy filmdagi debyutini amalga oshirgan. Bu rol uning uchun yutuq bo'ldi. Xeyli “Ikkinchi darajali eng yaxshi aktrisa” sifatida “Oskar” mukofotiga nomzodlik qildi. O'shandan beri u aktrisalikni davom ettirib keladi, ammo "Temir qirrasi" filmi uning karyerasidagi eng muvaffaqiyatli film hisoblanadi.

5. Alan Rikman

Kinodagi ilk rolini ijro etishidan oldin Alan Rikman teatr va televideniyeda ishlagan. Aktyor "Die Hard" filmida yovuz qahramon Xans Gruber rolini o'ynadi. Shundan so'ng ko'plab filmlarda rollar ijro etdi. Biroq ko'pchilik aktyorni Garri Potter franshizasidagi Severus Sneyp roli orqali taniydi.

6. Kemeron Diaz

1994-yilda Kemeron Diaz ilk marotaba "Niqob" komediyasida suratga tushdi. O'sha paytda u modellik bilan shug'ullangan, ammo rejissyor va prodyuserlar uning rolga mukammal nomzod ekanligiga ishonch hosil qilishgan. Ushbu filmdan so'ng aktrisa kino olamida ajoyib kareyrasini boshladi.

7. Reychel Zegler

Reychel Zegler Stiven Spilbergning "West Side Story" remeykidagi Mariya roli uchun ochiq kastingda ishtirok etgan 30 000 nafar aktrisadan biri edi. O'sha paytda u o'rta maktab o'quvchisi bo'lgan. Bir necha oylik kastingdan so'ng aktrisa ushbu rolga munosib deb topildi. Ushbu roli uchun Zegler "Eng yaxshi aktrisa" nominatsiyasida "Oltin globus" mukofotini qo'lga kiritdi va nufuzli “ICM Partners” agentligi bilan shartnoma imzoladi. Shundan so'ng aktrisa “Disney”ning "Oppog'oy va 7 gnom" filmida suratga tushdi.

• Kino
• Madaniyat
• mashhurlar
• qiziqarli