Xonanda Dildora Niyozovaning turmush o‘rtog‘i uning san’atni butkul tark etganini e’lon qildi.

Qayd etilishicha, Dildora Niyozova endi o‘z uyda farzand tarbiyasi bilan mashg‘ul bo‘ladi. Dildora Niyozova haqiqatdan ham Islom yo‘lini tanlagani uchun to‘ylarga chiqmaslikka qaror qilgan. Xonandaning turmush o‘rtog‘i to‘y uchun oldindan olingan pullar qaytarilib berilishini ta’kidlagan.

“Bugundan boshlab Dildora Niyozova haqiqatdan ham islom yo‘lini tanlagani uchun to‘ylarga chiqmaslikka qaror qildi. Iltimos, biz bilan bog‘lanib to‘y kunini belgilaganlar bo‘lsa, aloqaga chiqishsin. Pullarni qaytarib berishga majburmiz. Dildora Niyozova endi to‘yga chiqmaydi. Uyda bola-chaqa tarbiyasi bilan shug‘ullanishga qaror qildi”, – dedi u.

Qayd etish mumkin, Dildora Niyozova 1978-yil 14-sentyabrda Toshkent shahrida tug‘ilgan. O‘rta maktabni tugatgach, poytaxtdagi estrada-sirk kollejini tamomlagan. Sobiq xonanda 60 dan ortiq qo‘shiqlarning muallifi hisoblanadi.

• San’at