Hindistonning Marion Biotech kompaniyasi tomonidan ishlab chiqarilgan “Dok-1 Maks” siropini ichish oqibatida vafot etgan bolalarning o‘limi sababi tasdiqlansa, ularning oilalariga kompensatsiya to‘lab berilishi mumkin. Bu haqda Xalqari press-klubning navbatdagi sessiyasida sog‘liqni saqlash vaziri o‘rinbosari Elmira Bositxonova ma’lum qildi.

Uning so‘zlariga ko‘ra, hozirda har bir o‘lim holati bo‘yicha tergov olib borilib (rasman 20 nafar bolaning o‘limi haqida ma’lum qilingan), ular ichgan dori vositalari aniqlanmoqda.

“Agar ushbu ma’lumotlar hujjat bilan tasdiqlansagina, kompensatsiya to‘lash bo‘yicha yuridik jarayonlar boshlanishi mumkin. Agarda kompensatsiyaning barcha summasi tasdiqlansa, ular gap-so‘zsiz to‘lab beriladi”, — deydi u.

Elmira Bositxonovaning qo‘shimcha qilishicha, odamlar ushbu dori vositasiga shu qadar ishonganki, shifokorga maslahat so‘rab murojaat qilmasdan, uni o‘zlari sotib olgan.

• Dok-1 Maks
• Kompensatsiya