Qarshining “Nasaf” klubi bosh murabbiyi ertaga OChL guruh bosqichining hal qiluvchi 6-turidan oʻrin olgan Iordaniyaning “Al Vehdat” klubiga qarshi uchrashuv oldidan oʻz fikrlarini bildirib oʻtdi.

“Biz maqsadga juda yaqinmiz. Hammasi oʻzimizga bogʻliq. Ertaga “Al Vehdat”ga qarshi aql bilan bor mahoratimizni koʻrsatib, hammani xursand qilishga harakat qilamiz.

- Jamoangiz ertaga yutsa oʻz tarixida birinchi bor guruhdan chiqib, oʻz yurishini keyingi bosqichda davom ettiradi. Bu sizga va jamoaga alohida bosim yuklamaydimi?

“Biz bu haqida yigitlar bilan gaplashib oldik. Yigitlarning asosiy maqsadi ham shu edi. Biz keyingi bosqichga chiqishni juda ham xohlaymiz va bunga yaqin turibmiz.

Futbolchilar ertangi bellashuvga hech qanaqa bosimsiz va hayajonsiz tayyorgarlik olib borishmoqda. Futbolchilarning kayfiyati aʼlo darajada.

- “Al Vehdat” jamoasi xuddi “Nasaf”ga oʻxshab ochiq futbol namoyish etadi. Jamoa oʻzi ham hujumkor oʻynab, raqibga ham hujumkor oʻynashga imkon beradi. Bu “Nasaf”ga qanchalik qulaylik tugʻdiradi?

“Nasaf” bilan “Al Vehdat”ning oʻxshash taraflari bor. Ikkala jamoada ham yulduzlar yoʻq. Ikkala jamoa ham kurashuvchan. Ikkala jamoaning ham tayyorgarligi bir-biriga yaqin. Boʻlib oʻtgan oʻyinlar shuni koʻrsatdiki raqibning jismoniy tayyorgarligi ham ancha yaxshi.

Biz ertaga maqsadga erishish uchun maksimal darajada harakat qilishimiz kerak. Bu ham oson boʻlmaydi. Raqib ham turnirda oʻzi yaxshi tomonlama koʻrsatmoqda. Jamoaning oʻyinlarini koʻrib amin boʻldimki, raqib ancha shakllangan.

Ular ham bekorga Iordaniyaning yetakchi jamoasi hisoblanmaydi. Raqibning hozirgi tarkibi ham bir-biri bilan ancha yillardan buyon birga oʻynaydi. Biz bu jamoani oʻrgandik. Ular bilan bir marta bellashib koʻrdik. Biz ertangi bellashuvga tayyormiz”, – deydi qarshiliklar bosh murabbiyi.

• Futbol
• Nasaf
• OChL