Ukrainaning “Kalush Orchestra“ guruhi Italiyaning Turin shahrida oʻtkazilgan ”Eurovision-2022” tanlovi gʻolibi deb topildi.
“Kalush Orchestra“ tanlovda guruh yakkaxoni Oleg Psyukning onasi va barcha ukrain onalariga bagʻishlab aytilgan ”Stefania” qoʻshigʻini ijro etdilar. 2019-yilda tashkil topgan ushbu ijodiy guruh folk va xip-xop yoʻnalishlarida ijod qiladi. Guruhning musiqiy chiqishi hakamlar hayʼatiga ham, tomoshabinlarga ham birday maʼqul kelgan.
Tomoshabinlarning 631 nafari “Kalush Orchestra” guruhi uchun ovoz berganlar.
Bu Ukrainaning “Eurovision“ tanlovida qoʻlga kiritgan uchinchi gʻalabasi. 2004-yilda ukrainalik xonanda Ruslana Turkiyada oʻtkazilgan tanlovda ”Wild Dances“ qoʻshigʻi bilan ishtirok etib, birinchi oʻrinni olgan. 2016-yilda esa xonanda Jamala “1944” kompozitsiyasi bilan gʻoliblikka erishgan edi.
Bu yilgi tanlovda ikkinchi oʻrin Buyuk Britaniya, uchinchi oʻrin esa Ispaniya vakillariga nasib etdi. Tanlovga mezbonlik qilayotgan Italiya vakillari – Mamuda va Blanko dueti 6-oʻringa sazovor boʻlgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!