Xalqaro futbol federatsiyasi G‘azo sektoridagi holat tufayli tashkilot nizomini buzgani uchun Isroilni barcha musobaqalardan chetlashtirishi mumkin. Bu haqda Reuters nashri ma’lum qildi.

Manbaning xabar berishicha, Falastin futbol assotsiatsiyasi (PFA) 2024-yilning may oyida Isroilni diskvalifikatsiya qilish taklifini kiritgan. FIFA bu masalani iyul oyida o'z kengashining navbatdan tashqari yig'ilishida ko'rib chiqishga va'da bergan.

Shuningdek, Osiyo futbol konfederatsiyasi ham Isroilga qarshi shikoyatni qo‘llab-quvvatlagan.

Ma’lumot uchun, Millatlar ligasining 2024/25-yilgi mavsumida Isroil Belgiya, Italiya va Fransiya terma jamoalari bilan birga A ligasining ikkinchi guruhida ishtirok etadi. Avvalroq esa Belgiya Isroil bilan futbol o‘yinini o‘tkazishdan bosh tortayotgani xabar qilingandi.

Eslatib o‘tamiz, 2022-yilning bahorida FIFA va Yevropa futbol assotsiatsiyalari ittifoqi (UEFA) Rossiya terma jamoasini, shuningdek, Rossiyaning barcha klublarini ushbu tashkilotlar nazoratidagi barcha musobaqalarda ishtirok etishdan chetlashtirishga qaror qilgan edi.

• FIFA
• Isroil
• UEFA