Kinematografiya agentligi direktori Firdavs Abduxoliqov vazifasidan ozod etildi. Bu ma’lumotni Kun.uz’ning hukumatdagi manbasi tasdiqladi.

Abduxoliqov endi Islom sivilizatsiyasi markaziga direktor bo‘lishi kutilmoqda.

Kinematografiya agentligiga esa yozuvchi,  „Do‘stlik“ ordeni sohibi”, „O‘zbekistonda xizmat ko‘rsatgan yoshlar murabbiyi“ Shuhrat Rizayev yangi rahbar bo‘ladi. U 2017-yil avgustidan buyon agentlik rahbarining birinchi o‘rinbosari lavozimida ishlab kelayotgandi.

O‘zbekistondagi dastlabki xususiy telekanallardan biri — «STV» va ilk nodavlat gazetalardan biri — «Darakchi»ga asos solgan Firdavs Abduxoliqov 2003-yildan O‘zbekiston Elektron ommaviy axborot vositalari milliy assotsiatsiyasiga rahbarlik qilgan. 2019-yil sentyabrida esa Kinematografiya agentligi (o‘sha vaqtda «O‘zbekkino») direktori etib tayinlangandi.

• Kino