Fireball kuzatuvi bo‘yicha mutaxassislar Fransiyada 2023 CX1 asteroidiga tegishli bo‘lishi mumkin bo‘lgan kosmik tosh bo‘lagini aniqladilar. Xalqaro meteorlar tashkiloti ma’lumotlariga ko‘ra, kashfiyot Dieppe shahri yaqinida amalga oshirilgan.
Asteroid bu hudud ustidan atmosferaga uch kun avval kirib kelgan. Tadqiqotchi guruhi a’zolari uning parvozining taxminiy traektoriyasini hisoblab chiqdilar.
Mutaxassislar bir necha soatlik qidiruvlardan so‘ng qora tosh bo‘lagiga o‘xshagan ob’ektni payqashdi. Tahlil shuni ko‘rsatdiki, bu haqiqatan ham meteorit. Mutaxassislar boshqa parchalarni qidirishni davom ettirish niyatida.
2023 CX1 asteroidi 13-fevralga o‘tar kechasi topildi. Uning o‘lchami bir metrga yaqin edi. Besh soatdan keyin u yer atmosferasiga kirdi. Kuzatuvchilar Yer tomon uchayotgan kichik asteroidni tarixda yettinchi marta oldindan aniqlashga muvaffaq bo‘ldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!