Nemislarning deyarli yarmi mamlakatdagi “Leopard 2” jangovar tanklarining Ukrainaga topshirilishiga qarshi chiqdi.

Keltirilishicha, Kiyev bir necha oydan beri Berlindan apparat so‘rab murojaat qilmoqda, ammo hozircha hech qanday natija bo‘lmagan.

Yaqinda o‘tkazilgan “YouGov” ijtimoiy so‘rovida respondentlarning 45 foizi Leopard 2 tanklarining Sharqiy Yevropa davlatiga jo‘natilishiga qarshi ekanligini, yana 33 foizi esa yoqlagan, qolgan 22% hech qanday qaror bildirmagan.

Bundan tashqari Kansler Olaf Shols aʼzo boʻlgan Sotsial-demokratik partiya tarafdorlarining 41 foizi nemis tanklarining Ukrainaga yetkazilishini istamaydi, 40 foizi esa bunday qarorlarni yoqlaydi.
Erkin Demokratik partiya saflarida esa 42% qarshi, 33% tarafdor.

Ukraina Germaniyadan “Leopard 2” tanklarini jo‘natishni so‘rashiga qaramay, kansler Shols buni qilishni istamadi.

Uning ta’kidlashicha, hali boshqa hech bir davlat Kiyevga shunga o‘xshash qurol-yarog‘ yubormagan, Germaniya ham shular qatorida bo‘lishi kerak.

• AQSh
• Germaniya
• Ukraina doni