Amerikaning eng yirik avtomobil korporatsiyasi – GM (“General Motors”) bosh direktori Meri Barra kompaniyadagi rahbarlik faoliyatining sakkizinchi yili uchun tovon puli sifatida jami 29,1 mln. dollar ishlab topgan. Bu 2020 yilga nisbatan 23 foizga ko‘p.
Qayd etilishicha, yirik avtomobil ishlab chiqaruvchi kompaniyaning yillik proksi bayonotida uning tovon puli umumiy miqdorda 5,3 foizga oshirilgani, 2,1 mln. dollarlik asosiy ish haqi, 14,6 mln. aksiya mukofotlari, 3,9 mln. dollarlik opsion mukofotlar, 7,6 million dollarlik rag‘batlantirish rejasi bo‘yicha kompensasiyalari mavjud ekani qayd etilgan. Bu uning 2020 yilda olgan miqdoridan ikki baravar ko‘p.
“GM joriy yildan Shimoliy Amerikadagi elektr transport vositalarining hajmi, ishlab chiqarish muddati va sifatini ko‘rib chiqishni boshladi, chunki u rahbarlar uchun uzoq muddatli kompensasiyalarni belgilaydi”, – dedi Barra.
Barraning tovon puli “Ford Motor Co.” bosh direktori Jim Farliga berilgan paketdan taxminan 6 million dollarga ko‘p, lekin u 8 buyon GM boshqaruvida. Farlining o‘tgan yilgi tovon puli esa deyarli ikki baravar oshib, 22,8 mln. dollarni tashkil etdi. Bu uning bosh direktor sifatidagi birinchi yili hisoblanadi.
Qayd etish mumkin, GM’ning 2021 yilda soliqlar to‘lashdan oldingi harajatlari 47 foizga oshib, 14,3 mlrd. dollarni tashkil etgan bo‘lsa, daromad 3,7 foizga oshgan va 127 mlrd. dollarga yetgan.
Boshqaruvchilarga tegishli kompensasiyalar:
Kompaniya Prezidenti Mark Roys – 12,5 mln. dollar;
Pol Jeykobson moliyaviy direktor sifatidagi birinchi yilida 9,6 mln. dollar;
Global mahsulotlarni ishlab chiqish, xarid qilish va ta’minot zanjiri bo‘yicha ijrochi vise-prezidenti Dag Parks – 8,8 mln. dollar;
Shimoliy Amerika tarmog‘i prezidenti Stiv Karlayl esa 9 mln. dollar maosh olgan.
Ma'lumot uchun, “Chevrolet”, “GMC” va “Cadillac” singari brendlar korporatsiyaning bo‘limlari hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!