Rossiyalik xonanda Grigoriy Lepsning 23-oktabrga belgilangan konserti ayrim texnik sabablarga ko‘ra qoldirilgani haqida xabar berilgandi.

Tabiat resurslari vaziri maslahatchisi Rasul Kusherbayev shu borada fikr bildirdi.

“Rossiyaning Ukrainaga bosqinini moliyaviy qo‘llab-quvvatlayotgan Grigoriy Lepsning Toshkentdagi konserti bekor qilinibdi. Shaxsan men bu ishdan xursandman. Chunki Lepsning konsertiga bilet sotib olgan har bir o‘zbekistonlik bilvosita qotil, bosqinchi rus armiyasini moliyaviy qo‘llab-quvvatlagan bo‘lardi”, – deb yozadi sobiq deputat.

Shuningdek, siyosatchi rus qo‘shiqchisini Ukrainadagi tinch aholi o‘ldirilishining sababchilaridan deb atagan.

“Aynan Leps kabilarning ko‘magi tufayli kecha tunda rus qo‘shini Lvov shahrida uxlab yotgan tinch aholining uylariga hujum qilib, ko‘plab bolalar va kattalarni o‘ldirdi va o‘ldirishda davom etmoqda. Afsuski, Leps kabilarning konsertiga kirish yana ko‘plab begunoh odamlarni o‘ldirilishga yo‘l ochib beradi. Shu bois, aqli raso, gumanist har bir inson bu zulmga qarshi chiqa olmagan taqdirda ham unga qo‘shilish, sherik bo‘lishdan tiyilmog‘i lozim”, – deb yozadi Kusherbayev.

• Rasul Kusherbayev