Ko‘p insonlar hayotdagi maqsadlariga erishish haqida so‘z ochganida sizda ham aslida hayotdagi asl maqsadim nima ekan, degan savol tug‘ilishi turgan gap. Balki bu haqida bir qarorga ham kelgandirsiz? Ammo hayotdagi asl maqsadlarini hali anglab yetmaganlar uchun quyidagi maslahatlarga amal qilish tavsiya etiladi.
1. Tanaffus qiling
Bir zum to‘xtang va hayotingiz haqida mulohaza qiling. Yolg‘izlik va tinchlikda o‘tiring hamda o‘z-o‘zingizga quloq soling. Qilayotgan ishlaringiz xohishlaringizga mos ekanligini anglab yetishingiz juda muhim hisoblanadi. Agar ishlaringiz istaklaringizga mos kelmasa, xavotir olishga hojat yo‘q, hali hammasi oldinda.
2. Nimani qadrlashingizni eslang
Nimani to‘g‘ri deb bilishingiz va nimalarni qadrlashingizni eslang hamda yozib chiqing. O‘zingizga “Nima hayotimni haqiqiy bayramga aylantiradi?”, deb savol bering. Bu hayotdagi asl “vazifangiz”ni aniqlashingizga yordam beradi.
3. Kechirish va qo‘yib yuborishni o‘rganing
Maqsadingizni anglab yetganingizda esa, barchasini yangidan boshlash uchun o‘tmishni qo‘yib yuboring va xafagarchiliklarni unuting. Shundagina siz o‘z maqsadlaringizga erishish uchun ko‘proq kuchga ega bo‘lasiz.
4. O‘zingiz va hayotingizga nisbatan ishonchni his qiling
Maqsadingizni anglab yetish va unga erishishga harakat qilishning ayni vaqtidir. O‘zingizni avvalgi va keyingi holatingiz yoki begonalar bilan solishtirmang. Shundagina o‘zingizda ijobiy o‘zgarishlarni his qila boshlaysiz.
5. O‘z hayotingiz boshqaruvchisi bo‘ling
Hayotingiz bir kema bo‘lsa, uning kapitani siz hisoblanasiz. O‘z qobiliyatlaringiz va xislatlaringizni namoyon qilish ham faqat o‘z qo‘lingizda. Maqsadlaringizga erishish mas’uliyatini o‘zingizdan boshqasiga ishonmang.
6. Yangi imkoniyatlarni izlang
Komfort maydoningiz qanchalik qulay bo‘lsa ham, undan chiqish sizga yana-da yangi imkoniyatlarni beradi. Bu sizga yangi narsalar o‘rganish va o‘z sevimli ishlaringiz bilan shug‘ullanishingiz imkonini beradi.
7. O‘zgarishlar uchun tayyor turing
Maqsad va vazifalaringiz judayam murakkab va ko‘p bo‘lishi ham mumkin. Hayotdagi asl maqsadingizni anglash va uni amalga oshirish jarayonidagi barcha o‘zgarishlarga tayyor turing. Axir ular butun boshli hayotingizni butunlay o‘zgartirib yuborishi mumkin (albatta, yaxshi tarafga).
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!