“PSJ” yanvar oyida Kilian Mbappeni sotishdan pul ishlash uchun so‘nggi imkoniyatga ega bo‘ladi, chunki futbolchining shartnomasi mavsum oxirigacha mo‘ljallangan.

Jurnalist Alberto Pereyro Onda Cero radiosi efirida “Real Madrid” qishki transferlar oynasida Mbappe bo‘yicha “PSJ”ga taklif bilan chiqishini ma‘lum qilgan.

Oldinroq Kilian “Real” libosini kiyishni istayotgani haqida gapirgandi. O‘tgan yozda forvard “PSJ”dan uni sotishlarini so‘ragan, biroq kelishuv amalga oshmay qolgan. Klublar transfer summasi borasida kelisha olmagani haqida xabarlar tarqalgan edi.

Qayd etilishicha, agar “PSJ” yanvarda Kilian Mbappeni sotishdan bosh tortsa, futbolchi yozda “Real”ga tekinga o‘tishi mumkin.

• Futbol