Bugun “Manchester Siti” klubi Angliya Premer-Ligasining 23-turidan o‘rin olgan va markaziy bahs deya e’tirof etilayotgan o‘yinda turnir jadvalida 4-o‘rinda borayotgan (“Siti” 5-o‘rinda) “Chelsi” jamoasi bilan to‘qnash keladi.

Mazkur uchrashuvda o‘zbekistonlik yosh iqtidor Abduqodir Husanovning debyut qilishi kutilmoqda. O‘yin starti Toshkent vaqti bilan soat 22:30 ga belgilangan. Avvalroq, The Sporting News nashri “shaharliklar”ning “Chelsi”ga qarshi o‘yini uchun taxminiy tarkibini e’lon qilgandi, unda Husanov asosiy tarkibda maydonga tushishi qayd etilgan.

“Man Siti” bosh murabbiyi Xosep Gvardiola esa “Husanov moslashib oldi, u Fransiya Ligasida kuchli va tezkor raqiblarga qarshi o‘ynab ulgurgan”, – deb fikr bildirgan o‘yindan avval tashkil qilingan matbuot anjumanida.

• Chelsi
• Futbol
• Manchester Siti
• O‘zbekistonlik