Bugun, 12-aprel, “Manchester Siti” va “Kristal Pelas” jamoalari Angliya Premer-ligasining 32-turida o‘zaro to‘qnash kelishadi. Uchrashuv Toshkent vaqti bilan soat 16:30 da “Siti”ning uy maydoni “Etihad”da bo‘lib o‘tadi.

“Shaharliklar” ayni dam APL jadvalida 52 ochko to‘plagan holda 6-o‘rinda bormoqda. Ular “Chelsi” va “Nyukasl” jamoalaridan bir ochkoga ortda qolmoqda. Ushbu o‘yin YeChL yo‘llanmasi uchun kurash olib borayotgan Gvardiola shogirdlari uchun muhim ahamiyatga ega. “Kristal Pelas” esa 43 ochko bilan 11-o‘rinda joylashgan. Jamoa so‘nggi 17 o‘yinda atigi ikki marta mag‘lub bo‘lib, ularning 16 tasida gol ura olgan. Mana shu ko‘rsatgichlar ham ularning yaxshi formadaligini ko‘rsatadi. Bugun ikki jamoa o‘rtasida shiddatli o‘yin bo‘lishi aniq.

FIFA kunlaridan qaytgandan buyon bir taym o‘ynagan o‘zbekistonlik himoyachi Abduqodir Husanovning maydonga tushishi esa hamon noma’lumligicha qolmoqda.

Ma’lumot uchun, Pep Gvardiola so‘nggi ikki o‘yinda Husanovga daqiqalar bermadi.

• APL
• Abduqodir Husanov
• Manchester Siti