22°
Kechasi 10°
Davlat xavfsizlik xizmatining Toshkent shahar boʻyicha boshqarmasi xodimlari tomonidan Iqtisodiy jinoyatlarga qarshi kurashish departamentining shahar boshqarmasi bilan hamkorlikda tezkor tadbir oʻtkazildi.
Unga koʻra, Toshkent shahridagi tumanlardan birining Mudofaa ishlari boʻlimi boshligʻi fuqaroga noqonuniy ravishda harbiy guvohnoma rasmiylashtirib berish evaziga oʻz xizmat avtomashinasida undan 600 AQSh dollari olgan vaqtida ashyoviy dalillar bilan ushlangan.
Boshqa bir holatda esa Sirdaryo viloyatidagi Aholi bandligiga koʻmaklashish markazlaridan birining direktori yoshlarni kasbga oʻrgatish bilan shugʻullanuvchi MChJ rahbaridan uning oʻquv markazida tahsil olayotganlarning darslarga qatnashish holatini monitoring qilmaslik va MChJ faoliyati boʻyicha tekshiruv oʻtkazmaslik evaziga 300 AQSh dollari talab qilib, muqaddam 2 mln soʻm olgan.
Oʻtkazilgan tezkor tadbirda u qolgan 1,4 mln soʻmni oʻz xizmat xonasida olgan vaqtida ushlangan.
Maʼlum qilinishicha, hozirda mazkur mansabdor shaxslarga nisbatan Jinoyat Kodeksining 210-moddasi (pora olish) bilan jinoyat ishlari qoʻzgʻatilib, qamoqqa olish tarzidagi ehtiyot chorasi qoʻllanilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
