“SpaceX” asoschisi Ilon Mask koronavirusni ikkinchi marta yuqtirib oldi. Tadbirkor bu haqida ijtimoiy tarmoqdagi sahifasi orqali maʼlum qilgan.

“Aftidan, men yana koronavirusga chalindim, ammo uning belgilari deyarli yoʻq”, deb yozdi tadbirkor oʻzining Twitter'dagi sahifasida.

Milliarder ilk marta 2020-yilning noyabr oyida kasallikni boshdan kechirgan edi va uning yengil shamollash kabi belgilar bilan kechayotganini aytib oʻtgandi.

Eslatib oʻtamiz, Ilon Mask oʻtgan hafta Germaniyada “Tesla” zavodining ochilish marosimida ishtirok etgan. Tadbirga Germaniya kansleri Olaf Sholts va mamlakatning iqtisodiyot vaziri Robert Xabeklar ham tashrif buyurganlar. Aynan shu kabi tadbir 7-aprel kuni Ostin (Texas shtati) da ham oʻtkazilishi kerak edi. Mask unda ishtirok etishi yoki etmasligi masalasiga aniqlik kiritmagan.

• koronavirus
• mashhurlar
• milliarderlar
• qiziqarli
• salomatlik