Shavkat Mirziyoyev ipakchilik va jun sanoatini rivojlantirish qo‘mitasini tugatish to‘g‘risida qaror qabul qildi. Qo‘mita funksiyalari qishloq xo‘jaligi vazirligi, veterinariya qo‘mitasi va “O‘zbekipaksanoat” uyushmasiga beriladi.

Islohot doirasida hududiy yaylov xo‘jaliklari va veterinariya qo‘mitasi huzuridagi yaylov xo‘jaligini rivojlantirish boshqarmasi kabi yangi tuzilmalar tashkil etilishi rejalashtirilgan. Ushbu chora-tadbirlar yaylovlarni boshqarishni takomillashtirish va ulardan oqilona foydalanishni ta’minlashga qaratilgan.

2025-yil 1-dekabrgacha yaylovlardan foydalanishni optimallashtirish va ularni taqsimlashda shaffoflikni oshirish imkonini beruvchi e-yaylov elektron platformasini ishga tushirish rejalashtirilgan. Yaylovlarni 49 yilgacha ijaraga olish mumkin.

Respublika komissiyasi yaylovlarni muhofaza qilish, qorako‘lchilik, charm va jun sanoatini rivojlantirish bilan bo‘liq masalalarni muvofiqlashtirish uchun javobgardir.

• Ipak
• O‘zbekiston
• Qo‘mita