Al Jazeera xabariga ko‘ra, 17-martga o‘tar kechasi Iroq poytaxtidagi AQSh elchixonasiga uyushtirilgan hujumda dronlar va raketalardan foydalanilgan. Havo hujumidan mudofaa tizimlari bir nechta hujum vositalarini yo‘q qilganiga qaramay, 1 ta dron elchixona hududiga tushgan.

Bundan tashqari, Bag‘doddagi “Al-Rashid” mehmonxonasi zarbaga uchragan, dron binoning yuqori qavatlariga kelib urilgan. Ushbu mehmonxonada Yevropa Ittifoqi va Saudiya Arabistoni diplomatik vakolatxonalari joylashgan.

Mazkur binolar Bag‘dodning  “Yashil hudud” deb ataladigan hududida joylashgan bo‘lib, u yerda xorijiy elchixonalar va hukumat obyektlari joylashgan.

Iroq armiyasi Oliy bosh qo‘mondoni rasmiy vakili Saboh an-Numon huquqni muhofaza qiluvchi organlarga ushbu hujumlarni tekshirish va aybdorlarni aniqlash topshirilganini ma’lum qildi.

• AQSh
• Elchixona
• Havo hujumi
• Iroq