31°
Kechasi 18°
O‘zbekiston hukumati 16-mart kuni Eron xalqiga insonparvarlik yordami yubordi. Bu haqda Tashqi ishlar vazirligi matbuot xizmati xabar berdi.
Ma’lum qilinishicha, yordam tarkibiga oziq-ovqat mahsulotlari, jumladan un, guruch, shakar, makaron mahsulotlari, kungaboqar yog‘i hamda konservalar kiritilgan. Shuningdek, insonparvarlik yukida dori vositalari va tibbiy buyumlar ham mavjud.
Insonparvarlik yuki Eron tomoniga yetkazilgan bo‘lib, uni qabul qilib olish marosimida Daregaz shahri hokimi Mujtaba Bazmara, Eron Tashqi ishlar vazirligining Xuroson Razaviy viloyatidagi idorasi rahbari — vazir maslahatchisi Ali Masumifar hamda Eronning Turkmanistondagi elchisi Ali Mojtaba Ruzbexani ishtirok etdi.
Tadbir davomida Eron rasmiylari xalqqa ko‘rsatilgan insonparvarlik yordami uchun O‘zbekiston prezidenti nomiga minnatdorlik bildirdi. Ularning ta’kidlashicha, mazkur tashabbus ikki mamlakat o‘rtasidagi do‘stlik, hamjihatlik va o‘zaro qo‘llab-quvvatlash an’analarining yorqin ifodasi hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
