Italiyada bo‘lib o‘tgan parlament saylovlarida g‘alaba qozongan “Italiya birodarlar” partiyasi rahbari Jorjo Meloni mamlakat prezidenti Serjo Mattarelladan hukumat tuzish mandatini oldi. Shu tariqa u mamlakat tarixidagi birinchi ayol bosh vazir bo‘ldi.

“Prezident Meloni xonimga hukumat tuzishni topshirdi, u bunga rozi bo‘ldi”, – dedi prezident ma’muriyati bosh kotibi Ugo Zampetti.

Shu bilan birga, u Meloni vazirlik lavozimlariga nomzodlar ro‘yxatini darhol davlat rahbariga topshirganini ham ta’kidladi. Vazirlar portfelining katta qismi uning “Italiya birodarlar” partiyasi vakillariga topshirildi. Italiyaning yangi hukumati 22 oktyabr kuni qasamyod qiladi.

Qayd etilishicha, Italiyada bo‘lib o‘tgan parlament saylovlari natijalariga ko‘ra, “Italiya birodarlar” partiyasi 26 foiz ovoz to‘pladi. Uning koalisiyadagi hamkorlari Matteo Salvinining muhojirlarga qarshi ligasi va sobiq bosh vazir Silvio Berluskonining moʻtadil o‘ng “Forza Italiya” partiyasi vakillari hisoblanadi.

• Bosh vazir
• Italiya
• Jorjo Meloni