Farg‘ona viloyati adliya boshqarmasi xabar berishicha xonanda Jaloliddin Ahmadaliyev yozuvchilar uyushmasi a’zosi Behzod Fazliddining “Kutmagan kunlarim, kutgan kunlarim” to‘plamidagi “Ayyor do‘stlarim” she’rini shoirning ruxsatisiz qo‘shiq tarzida ijro etgan. Ushbu ijod namunasi ijtimoiy tarmoqlarda faol tarqalgan va to‘ylarda ijro etilgan.

Behzod Fazliddin Farg‘ona viloyat adliya boshqarmasidan buzilgan mualliflik huquqlarini tiklab berishni, xonandaga nisbatan qonuniy chora ko‘rishni so‘ragan.

Murojaat tegishli tartibda o‘rganilib, jinoyat ishlari bo‘yicha Uchko‘prik tuman sudining qaroriga asosan, xonanda mualliflik huquqbuzarligi sodir etilganligi tasdiqlandi. Xonandaga nisbatan ma’muriy jarima jazosi tayinlandi. Shundan so‘ng shoir Behzod Fazliddin foydasiga Fuqarolik ishlari bo‘yicha Qo‘qon tumanlararo sudining xal qiluv qarori e’lon qilindi. Unga ko‘ra, bazaviy xisoblash miqdorining 80 barobari, ya’ni 24 mln. so‘m tovon puli, 2 mln so‘m ma’naviy zarar, jami 26 mln. so‘m undirib berildi va xonanda J.Ahmadaliyev tomonidan ijro etilgan “Ayyor do‘stlarim” nomli qo‘shiq ijtimoiy tarmoqlardan olib tashlanishi belgilandi.

• Shou-biznes
• qiziqarli
• xabar