16-dekabrda “Avatar” filmining davomi bo‘lgan “Avatar: Suv yo‘li” filmi ekranlarga chiqadi. Yaqinda rejissyor Jeyms Kemeron “Avatar-3” 2024-yilda, 2026-yilda esa franshizaning to‘rtinchi qismini chiqarishga va’da berdi. Ikkala loyihani suratga olish ishlari allaqachon yakunlangan.

Kemeron filmning beshinchi qismi uchun ssenariyni allaqachon tayyorlab qo‘yganini ta’kidladi. Rejissyorning aytishicha, agar dunyo “Avatar 6” va “Avatar 7”ni talab qilsa va chiqarilgan seriallar o‘z samarasini bersa, unda davom filmlari albatta ekranlar yuzini ko‘radi.

“O‘shanda men 89 yoshga to‘laman. Albatta, men Avatar filmlarini abadiy suratga olmayman, ular juda ko‘p energiya talab qiladi. Birovga buni qanday qilishni o‘rgatishim kerak”, — deydi rejissyor.

Rejissyor o‘z faoliyati davomida yana besh-oltita film suratga olishga ulgurishiga ishonadi va ulardan uchtasi, “Avatar”ning davomi bo‘ladi.

• Avatar
• Kino
• qiziqarli