Josus 007 haqidagi franshiza prodyuseri Barbara Brokkoli navbatdagi filmni suratga olish ishlari qachon boshlanishini maʼlum qildi. Prodyuserning aytishicha, ishga jiddiy kirishish uchun eng kamida ikki yil vaqt kerak.
Brokkoli ayni vaqtda ijodiy jamoa Bondni izlash bilan band ekanligini taʼkidladi.
“Biz endi qaysi tomonga qarab harakatlanishni muhokama qilyapmiz. Hali ssenariy yoʻq, navbatdagi filmga yangicha yondashuv usulini ishlab chiqmasdan turib suratga olish ishlarini boshlay olmaymiz. Boisi, Bond obrazini qaytadan koʻrib chiqishimiz lozim. Uni qaytadan kashf qilishimiz kerak, oʻylashimcha, yangi filmning suratga olish ishlari kamida 2 yildan keyin boshlanadi”.
Jeyms Bond haqidagi soʻnggi film – “Oʻlish vaqti emas” 2021-yilda taqdim qilingan edi. Ushbu filmdan keyin britaniyalik aktyor Deniel Kreyg josus 007 obrazi bilan xayrlashgan.
Ayni vaqtda Jeyms Bond roliga asosiy daʼvogar Idris Elba boʻlib turibdi. Film prodyuseri Barbara Brokkoli Elbaning aktyorlik mahoratiga alohida toʻxtalib, uni Bond roliga taklif qilish boʻyicha muhokamalar boʻlib oʻtganini tasdiqlagandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!