Bu hafta oddiy ko‘z bilan ko‘rish mumkin bo‘lgan noyob yashil kometa Yerga eng yaqin masofadan uchib o‘tadi. Bu haqda NASA maxsus blogida ma’lum qilindi.

NASA kompaniyasi ma’lumotlariga ko‘ra, 1-fevral chorshanbadan payshanbaga o‘tar kechasi “C/2022 E3 (ZTF)” nomli noyob yashil kometa Yerga yaqinlashadi. U sayyoramizga 42 million kilometr masofagacha yaqinlashadi. Janub yarim shari aholisi agar o‘sha tunda osmon musaffo bo‘lsa, obyektni oddiy ko‘z bilan ko‘ra oladi. Shimoliy kengliklarda esa 1-fevral kuni tongda osmon jismi qisman paydo bo‘ladi.

Xabar qilinishicha, bu kometaning bizga tomon ikkinchi “tashrifi” bo‘ladi. U neandertallar davrida – 50 ming yil oldin Yer yaqinidan uchib o‘tgan. NASA ma’lumotlariga ko‘ra, keyingi safar xuddi shunday hodisa yuz berishi uchun millionlab yillar o‘tib ketadi.

Kometa birinchi marta astronomlar tomonidan 2022-yil mart oyida ko‘rilgan. Keyin u Yupiter atrofidagi orbita tomon harakatlangan. O‘shandan beri bu samoviy jism ancha yorqinroq kuzatilgan.

“Kometalar oldindan aytib bo‘lmaydigan darajada mashhur, ammo agar “C/2022 E3 (ZTF)” o‘zining hozirgi yorqinligini saqlab tursa, uni durbin bilan ko‘rish oson bo‘lishi kerak. Shuningdek zulmatda, hatto oddiy ko‘z bilan ham uni kuzatish mumkin ”, – deyiladi NASA blogida.

“Star Walk 2” va “Sky Tonight” kabi yulduzlarni tomosha qilish ilovalari yordamida uni qayerdan turib kuzatish imkoniyati mavjudligini bilib olsa bo‘ladi. Shuningdek, “theskylive.com” va “astro.vanbuitenen.nl” kabi veb-saytlar kosmosdagi kometalarning holatini kuzatuvchi va ko‘rsatadigan saytlar ham foydalidir. Ammo bu yerda kerakli ma’lumotlarni oldindan izlashi kerak.

Agar siz o‘zingiz astronomiyani yaxshi bilsangiz, unda 1-fevraldan 2-fevralga o‘tar kechasi yashil kometa uchib o‘tadigan Jirafa yulduz turkumini tomosha qilishni unutmang, chunki fazo sirli voqeliklarga to‘la.

• Astronomiya
• Kometa
• NASA