“18-dekabrga o‘tar kechasi Ukraina dronlari Rossiyaning Rostov-Don, Bataysk va Taganrog shaharlariga hujum qildi”, – deb ma’lum qildi Rostov viloyati gubernatori Yuriy Slyusar.

Gubernatorning aytishicha, Rostov-Don portiga uyushtirilgan hujum oqibatida yuk kemasida yong‘in chiqib, kema bortida bo‘lgan ikki ekipaj a’zosi halok bo‘lgan, yana uch nafari jarohat olgan.

Shuningdek, Bataysk shahrida 6 kishi jarohat olgan, yana bir kishi halok bo‘lgan.

Rossiya Mudofaa vazirligi ma’lumotlariga ko‘ra, 17-dekabr oqshomidan buyon Ukrainaga tegishli jami 77 ta uchuvchisiz uchish apparati urib tushirilgan. Shundan uchtasi Rostov viloyatida zararsizlantirilgan.

• Havo hujumi
• Rossiya
• Ukraina
• dron